«Ўзбекконцерт» Чеченистон халқ артисти Сан Жайга лицензия берадиган бўлди. Сан Жай эса соқолини калталатишга тайёр (видео)

Чеченистон халқ артисти Сан Жай соқолини калталатиш шарти билан «Ўзбекконцерт» дан лицензия оладиган бўлди. Бу ҳақда Сан Жай ўзининг тармоқлардаги саҳифасига жойлаштирган видео лавҳада маълум қилди.

Ҳозиргина ‘Ўзбекконцерт’ директори Одил аканинг олдидан чиқиб келяпман. Ҳамма учун яхши янгилик, бугундан бошлаб лицензия оламан. Жуда ҳам хурсандман, бахтим юрагимга сиғмаётганлиги учун буни сизлар билан бўлишмоқчи эдим. Ҳозиргина ‘Ўзбекконцерт’ директори Одил ака билан кўришдим, Одил ака Ўзбекистонда бўлмаганликлари учун, хизмат сафарида бўлганликлари сабабли мен билан гаплаша олмаган эканлар. Одил ака билан гаплашиб, ҳамма нарсани келишиб олдик. Одил аканининг ҳам гаплари тўғри, шунинг учун мен соқолимни ҳаммасини олиб ташламасам ҳам, камайтириб, бундан ҳам чиройлироқ қилиб, халқ хизматида бўлишга тайёрман. Чунки биз бир-биримизни қўллаб-қувватлаб, ҳурмат қилмасак ижод қилишимиз жуда ҳам қийин бўлади. Бугундан бошлаб менда лицензия бор. Одил ака сизга каттакон раҳмат, соқолимни иложи борича камайтираман.

Сан Жай, Чеченистон халқ артисти