Қашқадарёнинг Муборак туманида 3 декабрь куни номаълум ҳайдовчи аниқланмаган автомашинани туман ҳудудидан ўтувчи А-380 йўлининг 118-километрида ҳайдаб кетаётиб, «Қурувчилар» маҳалласида яшовчи фуқаро З.Ҳ.ни уриб юбориб, воқеа жойидан кетиб қолган. Натижада З.Ҳ. кўплаб оғир жароҳатлари билан касалхонага ётқизилган, ҳолат юзасидан жиноят иши қўзғатилган.
«Кўрилган чоралар натижасида ушбу йўл-транспорт ҳодисасини Қашқадарё вилоятининг Касби туманида яшовчи О.Ш. ўз бошқарувидаги Damas автомашинасида содир этганлиги аниқланиб, у ушланган. Тергов давом этмоқда», — дейилади Ўзбекистон ИИВ Жамоатчилик ва ОАВ билан алоқалар бошқармаси ахборотида.
6 декабрь куни Фарғона вилоятининг Учкўприк туманида номаълум ҳайдовчи аниқланмаган автомашинани Каттақашқар қишлоғи ҳудудида ҳайдаб кетаётиб, велосипедда кетаётган, шу қишлоқда яшаган О.А.ни уриб юбориб, воқеа жойидан кетиб қолган. Натижада О.А. жароҳат олиб, касалхонага ётқизилган, аммо кўрсатилган тиббий муолажаларга қарамай вафот этган. Ҳолат юзасидан жиноят иши қўзғатилган эди.
«Кўрилган чоралар натижасида ушбу йўл-транспорт ҳодисасини Учкўприк туманида яшовчи О.Х. ўз бошқарувидаги ГАЗ-53 русумли юк автомашинасида содир этганлиги аниқланиб, ушланган. Тергов давом этмоқда», — деб ёзади ИИВ сайти.
Изоҳ (0)