Ўзбекистонда жорий йилнинг ўтган 10 ойида республикада жами 38 минг 445 та жиноят рўйхатга олинган бўлиб, бу кўрсаткич аввалги йилга нисбатан 21 минг 355 тага ёки 35,7 фоизга камайган. Бу ҳақда Ички ишлар вазирлиги томонидан ўтказилган матбуот анжуманида маълум қилинди, дея хабар беради «Халқ сўзи».
10 ой давомида республикадаги 9015 та маҳалланинг 2789 тасида умуман жиноят содир этилишига йўл қўйилмади.
Шунингдек, йўл ҳаракати хавфсизлиги хизмати ходимлари томонидан 3 миллион 124 минг 266 та қоидабузарлик ҳолатлари аниқланиб, тегишли чоралар кўрилди.
Қўриқлаш хизмати томонидан савдо шохобчалари, бозорлар, умумий овқатланиш тармоқлари, мактаблар, ўрта махсус ўқув юртлари, маданият ва истироҳат боғларида видеокузатув мосламалари ўрнатилиши натижасида тегишли хизматлар билан ҳамкорликда 1424 та жиноятнинг олди олинди.
Изоҳ (0)