«Ўзбекконцерт» давлат муассасаси томонидан бир неча бор огоҳлантирилишига қарамасдан, хонанда Шаҳло Аҳмедованинг «Летние дожди» деб номланган қўшиғига ишланган видеоклип ижтимоий тармоқлар орқали намойиш этилаётганлиги аниқланди. Бу ҳақда муассасанинг расмий билдиргисида маълум қилинган.
Билдиргида айтилишича, «Видеоклипда миллий маънавиятимизга ёт бўлган, томошабинларнинг эътиборини жалб этиш учун халқимиз менталитетига зид, шарқона одоб-ахлоқ меъёрларига тўғри келмайдиган ҳаракатлардан ҳам тап тортмай, йигит ва қизнинг ишқий кечинмаларини очиқ-ошкора ифода этиб, буни андишасизларча тасвирга олиб кенг оммага намойиш этган».
Юқоридагиларга асосан хонанданинг лицензияси жорий йил 13 ноябрдан тугатилди.