Россиянинг йирик «Эко-култура» компанияси Ўзбекистонда помидор ишлаб чиқаришни йўлга қўяди, деб хабар беради «Podrobno.uz».
Бу ҳақда йирик сабзавот компаниясининг президенти Александр Рудаков маълум қилган. Маълум бўлишича, мазкур агрокомплекс 2019 йилда Сурхондарё вилоятида ишга туширилади. Иссиқхона майдони 314 гектарни ташкил этади. Унинг қурилиши учун эса 472 миллион доллар йўналтирилади. Иссиқхона учун ер майдонининг маълум қисми сотиб олинган, маълум бир қисми эса ижарага олинган. Шунингдек, лойиҳа борасида Россия ҳамда Ўзбекистон банклари билан музокаралар давом этмоқда.
Бундан ташқари компания 92 миллион долларни 1000 гектар боғ барпо қилиш учун сарфлайди. У ерда етиштириладиган маҳсулотларнинг 40 фоизи Россияга, 60 фоизи эса Хитой, Жанубий Корея ва Япония каби давлатларга экспорт қилинади.
Маълумот учун, «Эко-култура» Россиянинг энг йирик сабзавот ишлаб чиқарувчиларидан бири ҳисобланади.
Изоҳ (0)