БМТ суди АҚШни Эронга қарши санкцияларнинг бир қисмини бекор қилишга чақирди

БМТ халқаро суди АҚШга нисбатан Эронга қўлланилган санкцияларнинг бир қисмини бекор қилиши юзасидан қарор чиқарди, деб хабар беради «Коммерсантъ».

Хабарда маълум қилинишича, АҚШ томонидан қўлланилган  Эронга нисбатан санкциялар инсонпарварлик ёрдами ва фуқаро авиацияси хавфсизлигига таъсир қилмаслиги керак.

Халқаро суд аъзоларининг таъкидлашича, жорий йилнинг май ойида АҚШ президенти Дональд Трамп маъмурияти томонидан Эронга нисбатан қўлланилган санкциялар икки мамлакат ўртасида 1955 йилги Дўстлик шартномасини бузилишига олиб келди.

Эрон Ташқи ишлар вазирлиги Халқаро суднинг бу қарори бўйича ўз баёнотини берган бўлиб, унда «Эрон Ислом Республикаси ҳақ эканлиги яна бир бор исботланди ва АҚШнинг одамларимиз ва фуқароларимизга қўллаган санкциялари ноқонуний ва шафқатсиздир», — жумлалари ёзилган.