Бразилияда чаён етти марта чаққан чақалоқ омон қолди. Бу ҳақда «РИА Новости» хабар бермоқда.
Ушбу ҳодиса мамлакатнинг шарқий қисмидаги Баия штатида содир бўлди. Она боласини чўмилтирганидан сўнг унга ичига чаён кириб олганини кўрмай таглик кийгизиб қўяди. Боланинг нафаси бўғила бошлагач аёл тезда уни шифохонага олиб боради.
Шифокорлар чақалоқнинг ички кийимлари орасидан чаённи топиб олди. Газанда боланинг киндиги атрофидан 7 марта чақишга улгурган экан.
Болага зудлик билан заҳарга қарши дорининг 6 та дозаси юборилди, бироқ унинг тирик қолиши эҳтимоли жуда кам эди.
Шундай бўлса ҳам, жонлантириш бўлимидаги бир неча кунлик муомаладан сўнг у ўзига келишни бошлади. Шифокорларга кўра, чаён чаққандан кейин икки соат ичида заҳарга қарши дори юборилганлиги болани қутқариб қолган.
Изоҳ (0)