Афғонистонда НАТОнинг «Қатъий қўллаб-қувватлаш» (Resolute Support) тинчликпарварлик миссиясига 2 сентябрь, якшанба куни америкалик генерал Скотт Миллер етакчилик қилди. У Жон Николсоннинг ўрнини эгаллади, деб ёзади «Корреспондент.net».
Кобулдаги маросимда чиқиш қила туриб, Миллер қатъий қарорлар қабул қилишига тўғри келишини маълум қилди. У мамлакатда сиёсий ярашув шарт-шароитларини таъминлаш учун ҳарбий босим зарурлигини таъкидлади.
Миллерга НАТОнинг Афғонистонда жойлашган 16 минг ҳарбий хизматчиси бўйсунади. Улар асосан ҳукумат қўшинлари аскарларини тайёрлаш ва ўқитиш билан шуғулланади.
Бунга қадар Пентагон Махсус операциялар бирлашган қўмондонлигига бошчилик қилган Миллер Афғонистонда ғарб коалиция кучларининг тўққизинчи америкалик қўмондони бўлди.
Изоҳ (0)