«Толибон»нинг Доҳа (Қатар)даги идораси вакили Муҳаммад Суҳайл Шоҳин идора раҳбари Шир Муҳаммад Аббос Станикзай Тошкентга ташриф буюриб, ҳукумат билан Афғонистонда амалга оширилган инфратузилмавий лойиҳалар хавфсизлигини муҳокама қилганини маълум қилди, деб ёзади «Repost.uz» Reuters’га таяниб.
Муҳаммад Суҳайл Шоҳиннинг сўзларига кўра, томонлар Афғонистондаги вазиятни тинч йўл билан тартибга солиш истиқболларини, мамлакатдан чет эл қўшинларининг олиб чиқилиши, шунингдек, электр узатиш линиялари ва темирйўл ётқизилаётган туманларда хавфсизликнинг таъминланишини муҳокама қилган.
Музокараларда ташқи ишлар вазири Абдулазиз Комилов ва Ўзбекистоннинг Афғонистон бўйича махсус вакили Исматилла Эргашев қатнашган.
ТИВ хабарига кўра, учрашувда Афғонистонда тинчлик ўрнатиш жараёнининг истиқболлари юзасидан фикр алмашилган эди.
Изоҳ (0)