Абдужаббор Абдусатторович Абдувоҳидовга Ҳукумат қарори билан Жаҳон иқтисодиёти ва дипломатия университетининг ректори вазифасини бажариш юкланди. Бу ҳақда Адлия вазирлигининг «Инсон ва қонун» ҳуқуқий газетаси хабар бермоқда.
Эслатиб ўтамиз, 11 январь куни Шавкат Мирзиёев раислигида Ўзбекистон Республикаси Ташқи ишлар вазирлиги ва Ўзбекистоннинг хориждаги элчихоналари фаолияти таҳлилига бағишланган видеоселектор йиғилиши давомида Жаҳон иқтисодиёти ва дипломатия университети ректори Абдумалик Жуманов лавозимидан озод этилган эди.
Sputnik маълумотларига кўра, Абдужаббор Абдувоҳидов жорий йил февраль ойида Ташқи ишлар вазири ўринбосари этиб тайинланган.
Абдувоҳидов 2002—2011 йилларда Тошкентдаги Вестминстер университети ректори лавозимида фаолият юритган. 2011—2012 йилларда Жаҳон иқтисодиёти ва дипломатия университети ректори бўлган. Сўнгра Президент ҳузуридаги Давлат бошқаруви академиясига ректорлик қилган.
Изоҳ (0)