Чирчиқ дарёси ва каналлар қирғоқларида 770 та ноқонуний қурилиш аниқланди

Тошкент прокуратураси Чирчиқ дарёси, шунингдек, пойтахтдан оқиб ўтувчи каналлар ва коллекторларнинг қирғоқбўйи жойларида ўтказилган 10 кунлик текшириш давомида 769 та ноқонуний қурилишни аниқлади. Улар бузиб ташланади. Бу ҳақда Ўзбекистон Бош прокуратураси Facebook’даги саҳифасида маълум қилди, деб ёзади «Газета.uz».

Ўтказилаётган «Тоза канал» кампанияси доирасида ҳар бир сектордан биттадан, жами 44 та ишчи гуруҳи, шунингдек, Олий Мажлис сенаторлари ва депутатлари, Тошкент шаҳар ва туманлар кенгашлари депутатлари, «Маҳалла» хайрия жамғармаси ходимларидан иборат 11 та ишчи гуруҳ шакллантирилиб, тадбирга зарур бўлган 176 та техника воситаси жалб этилган.

Тошкент шаҳрида умумий узунлиги 412,5 километр бўлган 129 та канал, жумладан 17 та магистрал, 25 та хўжаликлараро, 80 та хўжалик ички каналлар ва 7 та коллектор мавжуд бўлиб, хатлов натижасида 75,6 километр узунликдаги 37 та ички каналлар ёпилиб кетганлиги, ер майдонларидан эса уй-жой ва бошқа мақсадларда фойдаланиб келинаётганлиги қайд этилди.