Ўзбекистон Матбуот ва ахборот агентлигининг Алишер Навоий номидаги Ўзбекистон Миллий кутубхонасида «Миллий умумтаълим электрон кутубхона» лойиҳасини амалга ошириш ва республикада элеcтрон ахборот-кутубхона тизимини ривожлантириш истиқболлари» мавзусида давра суҳбати бўлиб ўтди. Бу ҳақда Миллий кутубхона томонидан «Дарё»га маълум қилинди.
Тадбирда Алишер Навоий номидаги Ўзбекистон Миллий кутубхонаси ходимлари, Қорақалпоғистон Республикаси ҳамда вилоятлар ахборот-кутубхона марказлари ходимлари иштирок этди. Унда мутахассислар учун яқинда Жанубий Корея Республикасида шу соҳа бўйича малака ошириб қайтган кутубхоначилар ҳамда хорижлик мутахассислар электрон турдаги ахборот-кутубхона ресурсларини кўпайтириш ва улардан интернет тармоғи орқали фойдаланиш бўйича зарур тавсияларини берди.
Тадбирда Ўзбекистон Матбуот ва ахборот агентлиги Бош директори Лазиз Тангриев, Алишер Навоий номидаги Ўзбекистон Миллий кутубхонаси директори Алишер Абдуазизов, Ўзбекистон Миллий кутубхонаси директор ўринбосари Умида Тешабоева, Миллий умумтаълим электрон кутубхона лойиҳа менеджери Томас Ким сўзга чиқди.
Ўзбекистон Матбуот ва ахборот агентлиги Бош директори Лазиз Тангриев сўзга чиқар экан, миллий умумтаълим электрон кутубхона лойиҳасини амалга оширишдан кўзланган асосий мақсад ахборот-кутубхона тизимини янада ривожлантириш, аҳолига ахборот-кутубхона хизмати кўрсатиш сифатини юксалтириш эканини алоҳида қайд этди.
Шунингдек давра суҳбатида ўз маърузаси билан Ўзбекистон Миллий кутубхонаси директор ўринбосари Умида Тешабаева сўзга чиқар экан, у «Миллий умумтаълим электрон кутубхона» лойиҳасини техник жиҳатдан таъминлаш ишлари Корея Республикасининг LG CNS компаниясига топширилганлиги, лойиҳа доирасида Ўзбекистон Миллий кутубхонасида «Рақамлаштириш ва сканерлаш», «Мультимедиа» марказлари ташкил этилаётганлиги, бугунги кунда зарур техник жиҳозларни олиб келиш ва жойлаштириш билан боғлиқишлар ўз якунига етаётганлиги ҳақида гапириб ўтди.
Изоҳ (0)