Ўзбекистонда 2020 йилда Бутунроссия кинематография давлат институти (ВГИК) филиали очилиши мумкин. Бу Ўзбекистон Президентининг «Миллий киноиндустрияни ривожлантириш бўйича қўшимча чора-тадбирлар тўғрисида»ги қарорида кўзда тутилган.
Қарорга мувофиқ, Миллий кинематографияни янада ривожлантириш чора-тадбирлари дастурини амалга ошириш бўйича Республика комиссиясининг:
2019/2020 ўқув йилидан бошлаб Ўзбекистон давлат санъат ва маданият институти иқтидорли битирувчиларини ҳамда институтда «Ижро этувчи продюсер» ва «Кинорежиссура ва кинодраматургия» йўналишлари бўйича дастлабки саралашдан ўтган бакалавр даражасига эга миллий кинематография соҳасининг мутахассисларини С. Герасимов номидаги Бутунроссия кинематография давлат институти қошидаги «Кино ва телевидение»нинг олий курсларига ўқишга юбориш;
2019/2020 ўқув йилидан бошлаб Ўзбекистон давлат санъат ва маданият институти бакалавриатининг ихтисослашган йўналишлари иқтидорли битирувчилари учун ВГИК ассистентура-стажировкасида «Ижро этувчи продюсер», «Драматургия» ва «Аудиовизуал санъат режиссураси» мутахассисликлари бўйича ўқишларни ташкил этиш;
2020/2021 ўқув йилидан бошлаб Тошкент шаҳрида кинематография соҳасининг малакали кадрларини тайёрлаш бўйича ВГИК филиалини (қўшма факультетини) очиш, ўқитувчилик фаолиятига ВГИК юқори курсларида ва ассистентура-стажировкасида аввал тайёргарликдан ўтган мутахассисларни, шунингдек, мастер-класслар ўтказиш учун институт профессор-ўқитувчиларини жалб қилиш тўғрисидаги таклифлари маъқулланди.
«Ўзбеккино» Миллий агентлигига Олий ва ўрта махсус таълим вазирлиги, Маданият вазирлиги ва Ташқи ишлар вазирлиги билан биргаликда 2018 йил 1 декабрга қадар бўлган муддатда ВГИК юқори курсларида ва ассистентура-стажировкасида Ўзбекистон давлат санъат ва маданият институти битирувчилари ҳамда республика мутахассислари ўқишини ташкил этиш, шунингдек, Тошкент шаҳрида институт филиалини (қўшма факультетини) очиш бўйича ВГИК раҳбарияти билан музокаралар ўтказиш топширилди.
«Ўзбеккино» Миллий агентлиги ҳузурида Киноиндустрия соҳаси ходимларини қайта тайёрлаш ва уларнинг малакасини ошириш маркази ташкил этилади.
Изоҳ (0)