Тошкент шаҳрида чиқиндиларни вақтинча ер остида сақловчи махсус қутилар ўрнатилади, деб хабар беради «Халқ сўзи».
Экология қўмитаси маълум қилишича, чиқинди қутисининг ичида 1100 литр ҳажмга эга контейнер жойлашган. Агар қутилардан бири чиқинди билан тўлган бўлса-ю, унга ахлат тўла челак ушлаб олган ҳолда яқинлашсангиз, тўла қутининг қизил чироғи ёниб, ёнидаги контейнерга ўтишингиз ҳақида огоҳлантириш беради.
Энг қизиғи, ушбу чиқинди қутилари қуёш батареялари ёрдамида ишлайди. Шунингдек, улар жойлашган ҳудудни тасвир олишга мўлжалланган кузатув камералари ҳам ўрнатилган.
Эслатиб ўтамиз, Термиз шаҳридаги Жайҳун маҳалласида «Bio Texno Eco» масъулияти чекланган жамияти томонидан дастлабки чиқинди йиғиш маркази – «Биошохобча» фойдаланишга топширилган эди.
Изоҳ (0)