Финляндия пойтахти Хелсинки шаҳри полицияси бошлиғи ўринбосари Хейкки Копперойнен шаҳар аҳолисини АҚШ ва Россия президентлари Дональд Трамп ва Владимир Путиннинг яқин-атрофдан ўтадиган кортежларини томоша қилмасликка чақирди. Бу ҳақда «Коммерсантъ» хабар бермоқда.
«Кортеж яқинлашиб келаётганини кўрсангиз, дераза олдида ёки балконда турмаган маъқул. Деразани очиш ҳам тавсия этилмайди. Биз шаҳарнинг барча аҳолисини кузатиб тура олмаймиз, шу боис ҳар бир ортиқча ҳаракат бизнинг ва меҳмонларнинг хавфсизлик хизматлари ходимларининг эътиборини тортиши, оқибатда қўшимча операцияларни ўтказиш зарурати туғилиши мумкин»,
Полиция мутассадисининг сўзларига кўра, кортежларга ҳаддан ташқари кўп эътибор қаратган фуқароларнинг олдига текширув бориши мумкин. Айни вақтда, жамоат жойларидан туриб, масалан, парламент биноси зиналарига чиқиб ёки Жанубий Эспланада кўчасидаги паркнинг қумли ҳудудидан туриб эркин томоша қилиш мумкин.
Хелсинкида 16 июль куни АҚШ президенти Дональд Трамп ва Россия президенти Владимир Путиннинг ўзаро учрашуви бўлиб ўтиши кутилмоқда. Учрашув давомида томонлар иқтисодий ва сиёсий масалаларни, Сурия ва Украинадаги низоларни ва бошқа масалаларни муҳокама қилиши режалаштирилган.
Изоҳ (0)