Нидерландияда микроавтобус пиёдаларни уриб юбориши оқибатида 1 киши ҳалок бўлди

18 июнь, душанба куни Нидерландияда Pinkpop (Ланграаф шаҳрида ўтказиладиган анъанавий рок-мусиқа фестивали) вақтида микроавтобус пиёдаларни уриб юборди. Бу ҳақда Reuters’га таяниб, «ТАСС» хабар бермоқда.

Воқеа оқибатида 1 киши ҳалок бўлган, 3 киши жароҳат олган.

Маълумотларга қараганда, оқ рангли транспорт воситасининг ҳайдовчиси ғойиб бўлган. Ҳозирда ҳайдовчини қидириш ишлари олиб борилмоқда. Воқеа жойига тиббий вертолёт юборилган.