Наманганда Ахсикент археологик ёдгорлигини тадқиқ қилиш ишлари бошланди

Наманганда Ахсикент археологик ёдгорлигини тадқиқ қилиш ишлари бошланди. Шу муносабат билан Наманганда вилоят ҳокимлиги, Наманган давлат университети, муҳандислик-қурилиш ва муҳандислик-технология институтлари, «Ахсикент» археология мероси объектини муҳофаза қилиш ва тадқиқ этиш дирексияси ҳамкорлигида халқаро анжуман ташкил этилди. Бу ҳақда ЎзА хабар берди.

Мазкур тадбирда Ўзбекистон олимлари билан бирга АҚШ, Хитой, Япония, Италия, Қозоғистон давлатларидан археология соҳаси мутахассислари ҳам иштирок этди.

Анжуманда хорижлик олимларнинг Ўзбекистон археология тадқиқотларининг ўзига хос жаҳатлари мавзусига бағишланган маърузалари ҳам тингланди. Тадбир иштирокчилари учун кўҳна Ахсикент харобалари бўйлаб саёҳат уюштирилди.