Чеченистон раҳбари Рамзан Қодировга тегишли деб ҳисобланадиган Airbus A319 самолёти дунёдаги энг йирик самолётлар савдосига ихтисослашган сайтда савдога қўйилди. Бортни аввалроқ рэпер Тимати томонидан олинган ва Instagram’га жойланган суратлар орқали таниш мумкин.
Савдо ҳақидаги эълонда самолёт салонининг ички қисми акс этган суратлар қўйилган. Улар орасида мусиқачи томонидан қўйилган каравотнинг суратини ҳам кўриш мумкин. Шунингдек, самолёт ички қисмининг бошқа элементлари ҳам Тимати томонидан олинган суратларга мос тушади.
Тимати суратларни 2017 йилнинг 7 мартида эълон қилган. Уларга «8 март арафасида уйдан қувишган вақтда, бироқ акангда ҳар доим сен учун бўш хона бор» дея изоҳ қолдирилган ва Қодировнинг аккаунтига ҳавола берилган эди.
Изоҳ (0)