Тошкент шаҳар Юнусобод тумани 8-даҳасида жойлашган 17, 18, 19 ва 20-сонли кўп қаватли уйлар орасида Murad Buildings компанияси томонидан 1,23 гектар ер майдонида кўп қаватли турар жой қурилиши бошланиши бўйича ушбу ҳудудда яшовчи аҳолидан келиб тушаётган мурожаатлар Тошкент шаҳар ҳокими томонидан ўрганиб чиқилди. Бу ҳақда шаҳар ҳокимлиги сайтида маълум қилинди.
Murad Buildings раҳбари Мурод Назаров ушбу ҳолат бўйича Тошкент шаҳар ҳокими билан телефон орқали мулоқотдан сўнг қурилиш ишларини тўхтатди ва шу ҳудудда яшовчи аҳоли эҳтиёжи учун зарур бўлган бинони ўз ҳисобидан қуриб беришга ва маҳалла фуқаролар йиғинига топширишга рози эканлигини билдирди.
«Шу ўринда айтиш керакки, Мурод Назаров ўзининг ҳаракати билан ҳақиқий тадбиркор қандай бўлиши кераклигини ва том маънода мардлик намунасини кўрсатди», — деб таъкидланади хабарда.