Дональд Трамп даврида илк бор Гуантанамо қамоқхонаси маҳбуси ватанига кўчирилди

Саудия Арабистони фуқароси АҚШнинг Кубадаги Гуантанамо ҳарбий қамоқхонасидан жазонинг қолган муддатини ватанида ўташи учун кўчирилди, деб ёзади «Коммерсант.ru».

Бу Дональд Трамп ҳокимиятга келгандан кейин Гуантанамодан маҳбуснинг биринчи марта кўчирилишидир.

Дастлаб Аҳмад Муҳаммад ал-Дарби 20 февралдан кечикмасдан уйига қайтиши керак эди.

Эслатиб ўтамиз, АҚШ томонидан 2002 йилда халқаро террорчилар учун Кубадаги ҳарбий базада ташкил этилган қамоқхонанинг ёпилиши Барак Обаманинг биринчи сайловолди кампаниясидаги асосий ваъдаларидан бири эди.