ЙҲХБ инспекторлари учун бажарилиши белгилаб қўйилган жарима режалари йўқ. Бу ҳақда Тошкент шаҳар ИИББ ЙҲХБ бошлиғи Барат Маменов маълум қилди, дея хабар беради Sputnik.
Ҳайдовчилар орасида, шунингдек, ижимоий тармоқлар ва ОАВда ЙҲХБда шундай тизим мавжудлиги, инспекторлар ҳар куни маълум бир миқдордаги автомобиль эгаларини жаримага тортиши зарурлиги ҳақида турли гап-сўзлар юради. Жумладан, кунига 15-20 та баённома тўлдирилиши шарт эканлиги билдирилади.
«Бундай тизим йўқ, инспекторларга қанчадир миқдорда ҳуқуқбузарликларни аниқлаш юкламаси берилмайди. Йўл-патруль хизмати инспектори ўз ҳудудида хизматни ўтайди ва ҳар қандай қоидабузарликни аниқлагани заҳоти, табиийки, баённома расмийлаштиради», — деди Барат Маменов.
Изоҳ (0)