Никарагуадаги норозилик намойишлари вақтида 10 киши ҳалок бўлди
Никарагуада ижтимоий таъминот соҳасидаги ислоҳотларга қарши норозилик намойишлари давомида камида 10 киши ҳалок бўлди, 88 киши турли даражада тан жароҳати олди. Бу ҳақда «РИА Новости» хабар бермоқда.
18 апрель, чоршанба куни бошланган намойишлар мамлакатнинг бир неча шаҳарларини қамраб олган. Қайд этишларича, намойишчилар ижтимоий таъминот ислоҳотига қарши — ҳукумат таклиф қилаётган лойиҳа бўйича иш берувчилар ва меҳнаткашлар ҳисобидан ижтимоий суғурта жамғармаларига ажратмалар миқдори оширилади.
Инфобаэ портали маълумотларига кўра, интернетда полициячилар намойишчиларга қарата ўқ узаётгани ва кўздан ёш оқизувчи газдан фойдаланаётгани акс этган фотосуратлар пайдо бўлган.
Raise awareness of what is happening in Nicaragua. #SOSNicaragua pic.twitter.com/NpVjL1Ksl1
— Nicaragua (@AyudaNicaragua1) April 20, 2018
Никарагуа вице-президенти Росарио Мурильо пайшанба ва жума кунлари мамлакатда ўн киши ҳалок бўлганини тасдиқлаган.
