Шавкатбек Эргашев Мирзо Улуғбек тумани ҳокими этиб тайинланди

Шавкатбек Эргашев Тошкент шаҳрининг Мирзо Улуғбек тумани ҳокими этиб тайинланди. Бу ҳақда Тошкент шаҳар ҳокимлиги ахборот хизмати маълум қилди.

1964 йилда туғилган Шавкатбек Эргашев Тошкент автомобиль йўллари институти ва Президент ҳузуридаги Давлат ва жамият қурилиши академиясини тамомлаган.

У мазкур тайинловга қадар Учтепа туманини бошқариб келганди. Аввалроқ Мирзо Улуғбек тумани ҳокими (2005−2013), унгача эса Олмазор тумани ҳокимининг биринчи ўринбосари (2002−2005) бўлган.

Эслатиб ўтамиз, олдинроқ Мирзо Улуғбек тумани ҳокими Шерзод Кудбиев Бандлик ва меҳнат муносабатлари вазири лавозимига тайинлангани билдирилганди.