Арманистонда вазирлар маҳкамаси мажлиси бўлиб ўтадиган ҳукумат уйини қўриқлаш кучайтирилди

Ереванда полиция кучлари Арманистон Ҳукумат уйини қўриқлашни кучайтирди. Каска ва қалқонли аскарлар ҳукумат биноларини ўраб олди, деб ёзади «ТАСС».

Полиция кучларига полиция раҳбарининг ўринбосари, Арманистон полиция қўшинлари қўмондони генерал-лейтенант Левон Ераносян бошчилик қилмоқда. Чорраҳаларда йўл полицияси нарядлари автомашиналарда навбатчилик қилмоқда.

Кучайтирилган чораларга Еревандаги норозилик ҳаракати Ҳукумат уйини қуршаб олиш режаси ҳақида маълум қилганлиги сабаб бўлди.

Вазирлар маҳкамаси мазкур мажлисининг ўзига хос жиҳати шундаки, уни илк бор 9 апрель куни президентлик ваколатини якунлаган ва 17 апрель куни республика бош вазири этиб тайинланган Серж Саргсян ўтказади.