Ўзбекистон Инновацион ривожланиш вазири Иброҳим Абдураҳмонов Англиянинг Wiley компанияси вакиллари билан учрашди. Бу ҳақда UzDaily хабар берди.
Учрашув чоғида давлат илмий-техник дастурини амалга оширишда узоқ муддатли ҳамкорликни ўрнатиш масалалари муҳокама қилинди. Шунингдек, халқаро илмий-тадқиқот маълумотлар базалари ва инновациялардан фойдаланиш, илмий ва юқори малакали кадрларни тайёрлашда ҳамкорлик масалалари ҳам музокаралар марказида бўлди.
Учрашув якунига кўра, ўзбек олимлари, мутахассислари, талабалари учун Wiley’нинг илмий-тадқиқот базаси ва кутубхонасидан фойдаланиш имкониятини яратиш учун биргаликда иш олиб бориш бўйича келишувларга эришилди.
Инглиз компанияси Ўзбекистонда ҳамкорликда мастер-класс ва тренинглар ташкил қилиш юзасидан ҳамкорликка қизиқиш билдирди. Бунда Wiley’нинг Илмий-тадқиқот Академиясини жалб қилиш кўзда тутилди.
Изоҳ (0)