Таиланд ғарбида Мьянмадан меҳнат муҳожирларини олиб келаётган автобуснинг йўл-транспорт ҳодисасига учраши оқибатида камида олти киши қурбон бўлди, 44 киши жароҳат олди. Бу ҳақда 10 апрель куни маҳаллий полиция хабар берди, деб ёзади «ТАСС».
Авария 10 апрель, сешанбага ўтар кечаси Мьянма билан чегарадош Так провинциясида юз берган. Юқори тезликдаги автобус паст-баланд йўлдан чиқиб кетиб, беш метрлик жарга қулаган. 28 нафар жабрланувчининг аҳволи оғир эканлиги маълум қилинди.
Дастлабки маълумотларга кўра, ЙТҲ ҳайдовчи ухлаб қолганлиги сабабли юз берган бўлиши мумкин. Полиция мазкур факт юзасидан текширувлар ўтказмоқда.