Huawei таклифи билан Хитойга қилган ташрифи доирасида Ўзбекистон Республикаси давлат органлари вакиллари компаниянинг Шэньчжэнь шаҳридаги штаб-квартирасида жойлашган кўргазма залига ташриф буюрди. Бу ерда «Хавфсиз» ва «Ақлли» шаҳар концепцияларини жорий этишда зарур ечим ва тартиблар тақдим этилди. Бундан ташқари, темир йўл, метро ва ҳаво транспорти секторида қўлланиладиган eLTE технологиялари намойиш этилди.
«Хавфсиз» шаҳар концепцияси доирасида Huawei компанияси томонидан ишлаб чиқарилган ва интеграция қилинган катта маълумотлар таҳлил тизими (Big Data), конвергент буйруқ маркази, видео назорат ҳамда видеомаълумотларни сақлаш каби комплекс ечимлар намойиш этилди. Huawei компанияси томонидан тадбиқ этилган «Хавфсиз» шаҳар тизимини амалий қўллаш билан танишиш мақсадида делегация аъзолари Шэньчжэнь шаҳрининг энг йирик туманларидан бири ҳисобланган Лунганнинг полиция марказига таклиф этилди. Бу ҳудудда 4,5 миллионга яқин аҳоли истиқомат қилади. Туман бўйича 24 миллиондан ортиқ HD видео кузатув камералари ўрнатилган, шунингдек Лунган тумани таҳлилчи, полиция ва АКТ мутахассислари ишлайдиган конвергент буйруқ маркази жойлашган. Huaweiнинг «хавфсиз» шаҳар тизими ўз ичига шахслар, рақамлар, ранглар ва автомобиль брендларини аниқлаш ҳамда eLTEга асосланган ID карта тизимини бирлаштиради.
«Хавфсиз» шаҳар тизимининг тақдимоти давомида делегация аъзолари янги ва инновацион технологияларни қўллаш орқали ҳудудда жиноятчилик даражасининг пасайиш тезлиги ва фоизларига қизиқиш билдирди. Бунга жавобан Лунган полицияси ходимлари, икки йилда жиноятлар 53 % қисқаргани, жиноятларни аниқлаш эса сезиларли даражада пасайганини таъкидлади. Бироқ жиноятларнинг қисқариши кибер жиноятлар даражасининг ортиши билан изоҳланади. Шу боис, Шэньчжэнь полицияси кибер-криминология ва электрон фирибгарлик каби янги тизим ва йўналишларни жорий қила бошлади. Лунган полицияси ушбу бўлинма ахборот ва телекоммуникация тармоқлари, жумладан, Интернет тармоғи орқали фирибгарлик фаолиятига қандай қилиб қарши чиқаётгани ҳақида тўлиқ маълумотлар берди.
Полиция участкасига қилинган ташриф ҳамда «Хавфсиз шаҳар» тизими намойишидан сўнг, меҳмонларга асосий жиҳатларидан бири ҳисобланган Интернет буюмлари «Ақлли» шаҳар концепцияси тақдим этилди. Ўзбекистон делегацияси шаҳар ва ҳар қандай аҳоли мавжуд пунктлар бошқарувини яхшилашда самара берувчи ақлли ҳисоблагич, ақлли сув таъминоти, ақлли утилизация, кўчалар ақлли таъминоти каби бир қатор тизимлар билан таништирилди. «Ақлли» шаҳар комплекс ечими билан яқиндан танишиш делегация учун жуда муҳим эди. Чунки, Ўзбекистонда «Ақлли шаҳар», «Ақлли маҳалла», «Ақлли хонадон» ва «Ақлли ҳокимият» концепцияларини ўз ичига олувчи норматив-ҳуқуқий ҳужжатларни ишлаб чиқиш режалаштирилган.
Ташриф якунларига кўра, Huawei Tech Investment Tashkent ва Тараққиёт стратегияси маркази ўртасида англашув меморандуми имзоланди. Имзоланган ҳужжат АКТнинг асосий қисми ҳисобланган иқтисодий ўсиш, бизнеснинг халқаро рақобатбардошлиги ва инсон капитали даражасини яхшилашга қаратилган.
Томонларнинг ахборот технологияларини ривожлантириш бўйича халқаро ҳамкорликка бўлган қизиқиши ҳамда илмий ва таълим лойиҳаларини амалга оширишга тайёрлигини эътиборга олган ҳолда, Ўзбекистон Республикасида миллий юқори полосали тармоғини ривожлантиришда биргаликда иш олиб бориш, шунингдек, тадқиқотлар соҳасида ҳамкорликда ишлар амалга оширишга келишиб олинди.
Меморандум ижроси доирасида томонлар барқарор ижтимоий-иқтисодий ўсиш, инновацион ривожлантириш, хусусан билим ва ахборот алмашишнинг долзарб масалаларига бағишланган қўшма халқаро конференция, семинар ва давра суҳбатлари ўтказишга ҳаракат қилади. Томонлар АКТ, инновация, қишлоқ хўжалиги, давлат хизматлари, шу жумладан, турли соҳаларда муваффақиятга эришиб келаётган Хитой амалиёти билан танишиш мақсадида Ўзбекистондан Хитойга ташрифларни ташкил этишга келишиб олди.
«Меморандум ‘Фаол тадбиркорлик, инновацион ғоялар ва технологиялар қўллаб-қувватлаш йили’да Давлат дастурида белгиланган вазифаларни амалга оширишда муҳим қадам бўлди. Унга мувофиқ, Ўзбекистон ҳудудида замонавий ишлаб чиқариш ва муҳандислик-коммуникация инфратузилмасини ташкил этиш режалаштирилган»- дея таъкидлади Huawei’нинг Ўзбекистондаги ваколатхонасининг жамоатчилик ва давлат органлари билан алоқалар бўйича директори Даврон Азизов.
Реклама ҳуқуқи асосида
Изоҳ (0)