Тошкент вилоятининг Ўртачирчиқ туманида 6 апрель куни қотиллик жинояти юз берди, дея хабар бермоқда Ўзбекистон Ички ишлар вазирлиги Жамоатчилик ва оммавий ахборот воситалари билан алоқалар бошқармаси.
Хабар беришларича, 6 апрель куни соат 03:00 ларда Нурафшон маҳалласида яшовчи, 1995 йилда туғилган йигит маст ҳолда уйга келган.
«У ўзаро жанжал оқибатида бирга яшаган расмий никоҳсиз турмуш ўртоғи, 1989 йилда туғилган аёлни танасининг турли жойларига уриб-тепиб жароҳат етказган. Натижада аёл воқеа жойида вафот этган», — дейилади бошқарма ахборотида.
Хабар беришларича, ҳозирги вақтда гумонланувчи йигит қўлга олинган.
Изоҳ (0)