Саудия Арабистони компаниялари ҳукумат томонидан тасдиқланганидан сўнг, Қатар билан чегарада 60 километрлик канални қазишни режалаштирмоқда. Бу ҳақда Sabq нашрига таяниб, «Газета.ru» хабар берди.
Таъкидланишича, канални барпо этиш ишларида тўққизта компания иштирок этишга қарор қилган. Агарда ушбу ғоя амалга ошгудек бўлса, Қатар географик жиҳатдан оролга айланади.
Каналнинг кенглиги 200 метрни, узунлиги 60 километрни, чуқурлиги эса 15—20 метрни ташкил этади. Бу каби ўлчамлар канал орқали барча турдаги кемаларнинг ҳаракатланишини таъминлайди, шунингдек, эркин савдо зонаси ва денгиз йўлларини яратиш учун шарт-шароит сифатида хизмат қилади. Тахминларга кўра, мазкур канал бир йил ичида қазилиши мумкин.
Изоҳ (0)