Кеча, 5 апрель санасида Ўзбекистон Суперлигаси баҳсларининг 5-турига старт берилган эди.

«Нефтчи» ўз майдонида АГМКни қабул қилиб, ютқазиб қўйган бўлса, «Бунёдкор» сафарда «Қизилқум»ни мағлуб этишга эришди.Бугун эса 5-тур доирасида яна иккита ўйин бўлиб ўтиши белгиланди. Шулардан бири Бухорода бўлиб ўтди.Ҳозиргина «Металлург» ҳамда «Сўғдиёна» ўртасидаги куннинг иккинчи учрашуви ҳам ўз якунига етди. Беллашув мезбон «Металлург» жамоаси фойдасига ҳал бўлди. 2 та гол ҳам иккинчи бўлимда киритилди. Дастлаб 55-дақиқада Шаҳзод Шайманов ҳисобни очган бўлса, орадан беш дақиқа ўтиб, Ислом Исоқжонов ҳисобни 2:0 бўлишини таъминлади. Бу мағлубиятдан сўнг «Сўғдиёна» Суперлиганинг сўнгги ўрнида қоладиган бўлди.