Суперлига. Легионерлар гол урган ўйинда «Пахтакор» АГМК устидан ғалаба қозонди (видео)

Ҳозиргина Суперлиганинг 3-тури доирасида «Пахтакор» — АГМК учрашуви ўз ниҳоясига етди. Унда мезбон жамоа ғолиб бўлди.

Аввалига баҳснинг 13-дақиқасида чап қанотдан Фарруҳ Сайфиев оширган пасдан сўнг «Пахтакор» легионери Тиаго Безерра ҳисобни очди. Ўйиннинг 21-дақиқасида Тиаго Безерра йиқитилгани учун АГМК дарвозасига пенальти белгиланди. 11 метрдан зарба берган яна бир легионер Исмоил Гонсалвеш адашмади ва ҳисобнинг 2:0 кўриниш олишини таъминлади.

42-дақиқада ҳакам «Пахтакор» дарвозаси томон пенальти белгилади. АГМК легионери Йован Жокич эса ҳисобни қисқартиришга муваффақ бўлди.

Шу ҳисоб ўйин охирига қадар ўзгармай қолди.

3-тур баҳслари бугун «Қизилқум» — «Насаф» ўйини билан якунланади.

Ўзбекистон Суперлигаси

3-тур беллашуви

18 март, якшанба