Facebook’даги «Водители Ташкента» гуруҳида қолдирилган постлардан бирига кўра, ўз автомобилида ҳаракатланаётиб чуқурчага тушиб кетган ҳайдовчи ЙПХ ходимини чақириб, протокол туздирган.
Ҳайдовчининг айтишича, у Собиқ «Тезик» («Тезиковка») яқинида автомобилини соатига 30—40 километр тезликда ҳайдаб кетаётиб йўлдаги чуқурга тушиб кетган. Бу каби ҳолат 2 йилдан буён 3 марта содир бўлиши. Бундан жаҳли чиққан ҳайдовчи 102 га қўнғироқ қилиб, йўлдаги чуқурча билан йўл-транспорт ҳодисаси содир этганини билдирган.
«15 дақиқадан сўнг ЙПХ ходими етиб келди ва биз биргаликда протоколни расмийлаштира бошладик. ЙПХ ходими ‘Cobalt автомобили чуқурча билан тўқнашди бўладими ёки чуқурга тушиб кетди?’, — дея сўради. Охир-оқибат барча ҳужжатларни тўлдириб, тарқалдик. Эртадан кейин терговга бораман. Қизиқ, ким билан судлашар эканман-а?.. ЙПХ ходимининг айтишича, у ўз фаолиятида биринчи бор йўлдаги чуқурча билан йўл-транспорт ҳодисаси содир бўлганини расмийлаштирган», — деб ёзади фойдаланувчи.
Изоҳ (0)