Фарғона шаҳрида яшовчи фуқаро Ш.Холматова Фарғона вилояти ФВБнинг «1050» қисқа телефон рақамига мурожаат қилди, деб хабар беради ФВВ матбуот хизмати.
Фуқаро ўз мурожаатида тўрт ёшли фарзанди уй ичкарисида қаровсиз қолиб кетганлиги, темир эшик қулфланиб, уни очишнинг имкони бўлмаётганлиги, қолаверса хонадон ичида газ плитаси ёниқ қолганлиги ҳамда фарзандидан хавотир олаётганини билдирган.
Олинган хабардан сўнг бошқарманинг қутқарув отряди зудлик билан кўрсатилган манзилга чиқиб кетди.
Манзилга етиб борган қутқарувчилар қисқа вақт ичида қулфланиб қолган уй эшигини очди ва 4 ёшли болакайни онасига топширди.
Фарзандини қўлига олган она ўз вақтида ёрдам кўрсатган ФВВ ходимларига ўз миннатдорлигини билдирди, дейилади хабарда.
Изоҳ (0)