WSB мусобақасининг 2-турида Cuba Domadores клубини мағлуб этиб, океан ортидаги мағлубият аламини олган Uzbek Tigers энди Colombia Heroicos боксчиларини таслим қилди — 4:1.
Якуний ҳисоб: Uzbek Tigers — Cuba Domadores 4:1. Сўнгги жангда Санжар Турсунов Эрисланди Савонни таслим қилди
Бокс оқшомида энг сўнгги бўлиб рингга Баҳодир Жалолов чиқди. +91 килограмм вазн тоифасида жанг қилувчи Баҳодир Кубада Хосе Лардует Гомесдан 1:2 ҳисобида енгилганди. Бу сафар у рақибига имконият қолдирмади ва ҳар уч ҳакамнинг ижобий баҳосини олишга эришди.Шу тариқа Uzbek Tigers Тошкентда кечган кетма-кет иккинчи жангни ўз фойдасига ҳал қилди. Гуруҳдаги учинчи рақиб Венесуэла Термиз шаҳрида қабул қилади. Шунингдек, олдинда Венесуэла ва Колумбияга қарши сафар жанглари ҳам бор.
Бир йил аввал Uzbek Tigers гуруҳ босқичининг Ўзбекистонда кечган барча жангларида зафар қучишга муваффақ бўлганди. Ўшанда Қозоғистон, Россия ва Хитой клублари ташриф буюрганди.
Uzbek Tigers — Colombia Heroicos 4:1
- -52 кг: Худойназар Файзов — Кейбар Авила 1:2
- -60 кг: Шунқор Абдурасулов — Дуван Зулета (техник ғалаба)
- -69 кг: Маҳмуд Ғоипов — Александр Ранхел (техник ғалаба)
- -81 кг: Бектемир Мелиқўзиев — Диего Мотоа 3:0
- +91 кг: Баҳодир Жалолов — Кристиан Салкедо 3:0
Colombia Heroicos бунгача Кубадан клубидан 0:5 ҳисобида енгилганди. Кейинроқ эса Венесуэла клубини ўз рингларида 3:2 ҳисобида таслим қилди, сафарда эса шу ҳисобда мағлуб бўлган.
Изоҳ (0)