Батумида яшовчи 12-синф ўқувчиси Давид Жинчарадзе Абу-Дабидаги (БАА) Нью-Йорк университетида таҳсил олиш учун 1 миллион доллар миқдоридаги грантга сазовор бўлди. Бу ҳақда «ТАСС» хабар бермоқда.
«Июнь ойида мактабни тугатганимдан сўнг Абу-Дабида ўқишни давом эттираман, сиёсатшунослик, халқаро муносабатлар ва журналистикани ўрганаман. Университет ўқишим, Амирликларда яшашим ва бошқа харажатларни тўлиқ молиялаштиради, бу эса 1 миллион доллардан ошиқ маблағни ташкил этади», — дейди Жинчарадзе.
Қайд этиш жоизки, Давид 10 минг талабгор қатнашган синовдан муваффақиятли ўтиб, университетнинг 150 нафар бўлажак талабаси қаторидан ўрин олди.
Абу-Дабида 2010 йили очилган Нью-Йорк университети филиали бутун дунё бўйлаб иқтидорли талабаларни қидиради ва уларга стипендиялар ҳамда грантлар тариқасида молиявий кўмакни таъминлайди. Номзодлар интернет-сўров, тестлар, портфолио, кўплаб эссе ва юзма-юз суҳбатдан сўнг танлаб олинади.
Изоҳ (0)