Бутунжаҳон уйқу жамияти «Катталар учун уйқу гигиенасининг 10 қоидасини» ишлаб чиқди. Агар уларга риоя қилсангиз, сизда уйқу билан боғлиқ муаммолар бўлмайди.
Фото: Shutterstock
Бир хил вақтда ухлашга ётинг ва уйқудан туринг
Кўпчилигимиз дам олиш кунлари ўзимизга эрк берамиз ва салкам тушгача ухлаймиз. Лекин олимлар бундай ўзгарувчанлик оқибатида бизнинг циркад маромларимиз бузилиши мумкин деб ҳисоблайди. Ҳар куни бир хил вақтда ухлаш ва туриш уйқуни яхшилашга ёрдам беради.
Агар чарчасангиз, уйқу учун танаффуслар ташкил қилинг
Бироз мудрасангиз, сиз яна тетиклашасиз. Лекин тушдан кейинги уйқу 45 дақиқадан ошмаслиги керак.
Зарарли одатлардан воз кечинг
Мутахассислар ухлашгача қолган 4 соат давомида спиртли ичимликлар ичмасликни ва чекмасликни маслаҳат беради. Яхшиси бу зарарли одатларни бутунлай ташлаганингиз маъқул.
Кофеин истеъмол қилишни қисқартиринг
Бутунжаҳон уйқу жамиятининг тавсиясига кўра, ухлашга 6 соат қолгандан бошлаб кофеин истеъмол қилишни тўхтатиш керак. Шуни эсда тутингки, у нафақат қаҳвада, балки чойда, газли ичимликларда ва ҳатто шоколадда ҳам бор.
Ухлашдан олдин кўп овқат еманг
Енгил тамадди қилишингиз мумкин. Лекин ухлашгача бўлган 4 соат давомида оғир, аччиқ ва ширин овқатлар истеъмол қилманг.
Агар сиз ҳадеб ярим кечада иссиқ кўрпада исиб кетганингиздан уйғониб кетаверсангиз, демак уни алмаштиришнинг вақти келибди. Ўзингизнинг соғлиғингиз учун.
Ётоқхонани шамоллатинг
Яқинда ўтказилган тадқиқотлар жараёнида деразанинг очиқ бўлиши уйқунинг сифати яхшиланишини таъминлаши маълум бўлди.
Халал берувчи шовқинлар ва ёруғликни бартараф қилинг
Хонадаги электроника яхши ухлашингизга халал бериши мумкин.
Каравот устида бошқа ишлар билан шуғулланманг
Смартфон ёки ноутбук ёрдамида биз хатларга каравотда ётган ҳолда осон жавоб қайтаришимиз мумкин. Лекин бу ётоғингизни фикран иш жойингизга боғлашга олиб келиши мумкин.
Изоҳ (0)