Ўзбекистон Давлат божхона қўмитаси раиси Муиджон Тоҳирий ўрнига генерал-майор Муроджон Азимов тайинланди. Муроджон Азимов ушбу лавозимга тайинлангани қўмита сайтида кўрсатиб ўтилган.

Фото: Бош прокуратура

Бунгача Муроджон Азимов Ўзбекистон бош прокурорининг биринчи ўринбосари лавозимида ишлаб келаётганди. У бу лавозимга 2016 йил июлида тайинланганди.

Муиджон Тоҳирий Божхона қўмитасига 2016 йил декабридан бери раислик қилиб келаётганди. Божхона қўмитаси раҳбари этиб тайинлангунча Муиджон Тоҳирий Президент хавфсизлик хизматига бошчилик қилган.