Тошкент вилоятида автомобилларга газ тўлдириш шохобчаларида ёнғин хавфсизлиги ҳамда ҳаракат хавфсизлиги қоидаларига риоя этиш, фуқаролар хавфсизлигини таъминлаш юзасидан тарғибот-ташвиқот ишлари олиб борилди. Бу ҳақда Тошкент вилояти ИИБ матбуот хизмати хабар берди.
Тошкент вилоятида тасдиқланган режага асосан вилоят ИИБ ЙҲХБ ҳамда ЙХБ ходимлари томонидан вилоят ҳудудида жойлашган 57 та автомобилларга газ тўлдириш компрессор шохобчаларида (шундан 3 таси пропан газ қуювчи ва 54 таси метан газ қуювчи) амалдаги техник регламентга ва ёнғин хавфсизлиги ҳамда ҳаракат хавфсизлиги қоидаларига риоя этиш, фуқаролар хавфсизлигини таъминлаш юзасидан шохобча масъул ходимлари ҳамда шохобчага келган транспорт воситалари ҳайдовчилари билан профилактик тадбирлар амалга оширилди.
Тадбир давомида шохобча операторлари, газ қуювчи ходимлар ҳамда ҳайдовчиларга газ баллонларга 19,6 МПа (200 кг/сантиметр квадрат)дан юқори бўлган босимда газ қуймаслик, рухсат этилмаган қўлбола усулда ясалган ва синовдан ўтмаган газ баллонларга ҳамда фойдаланишдан чиқарилган «капрон» газ баллонларига газ қуймаслик, газ қуйиш учун шохобчага кираётган ҳар бир транспорт воситасини шохобчага киришдан олдин тўхтатиш ва газ баллонини ўрнатилган қоидалар бўйича талабга жавоб бериш-бермаслиги ҳамда унинг ҳужжатларини тўлиқ текшириш, транспорт воситасини шохобчага киришдан олдин ундаги барча йўловчиларни тушириб, белгиланган жойда кутиб туришларини қатъий йўлга қўйиш ва назорат қилиш каби масалаларда тушунтиришлар берилди.
Шу билан бирга, ҳайдовчининг газ ускуналаридан фойдаланиш бўйича билим ва кўникмаларини ўрганиш давомида Юқори Чирчиқ туманидаги «Парвоз Инвест» МЧЖга тегишли бўлган газ қуйиш шохобчасига газ қуйиш учун келган ҳайдовчи Ғ.Нурматов бошқарувидаги транспорт воситасига ҳозирда фойдаланиш муддати тугаган 2 дона 50 литр ҳажмлик газ баллони ўрнатиб олинганлиги аниқланиб, ҳолат юзасидан ҳайдовчига нисбатан маъмурий баённома расмийлаштирилиб, транспорт воситаси вақтинчалик жарима майдончасига қўйилди.
Худди шундай Тошкент туманидаги «Аватон газ» МЧЖга тегишли газ шохобчасига газ қуйиш учун келган ҳайдовчи З.Амонов бошқарувидаги транспорт воситасига фойдаланишдан чиқарилган СПГ-2 туридаги (капрон) баллон ўрнатилганлиги аниқланиб, ҳайдовчига нисбатан маъмурий баённома расмийлаштирилди.
Бундан ташқари, Чиноз туманининг автомобиль йўлларида ўтказилган тадбирлар давомида, ҳайдовчи Б.Алимбеков бошқарувидаги транспорт воситасига СПГ-2 туридаги (капрон) баллони ўрнатилганлиги, ҳайдовчи А.Умаров ўзининг транспорт воситасига газ баллонини ўзбошимчалик билан ўрнатилганлиги аниқланиб, маъмурий баённомалар расмийлаштирилди ҳамда транспорт воситалари вақтинчалик жарима майдончасига жойлаштирилди.
Изоҳ (0)