Қашқадарё вилоятида Фуқароларнинг ўзини ўзи бошқариш органлари фаолиятини мувофиқлаштириш бўйича Вилоят кенгаши бошқарувининг 2017 йил якунларига бағишланган кенгайтирилган йиғилиши бўлиб ўтди. Бу ҳақда кенгаш Кенгаш вакиллари «Дарё»га маълум қилди.
Тадбирда Республика кенгаши раисининг ёшлар ишлари бўйича ўриносари Азимжон Мирзажонов, вилоят, туман, шаҳар кенгашлари бошқаруви раислари ва масъул ходимлари иштирок этган. Йиғилишда тизимда амалга оширилган ишлар сарҳисоб қилинди.
Вилоят кенгаши бошқаруви раиси Дусмурот Султановнинг маълум қилишича, Қашқадарё вилоятидаги 730 та маҳалла фуқаролар йиғинидан 61 тасида 2017 йил давомида умуман жиноят содир этилмаган.
Хабар беришларича, вилоят маҳаллаларида ҳуқуқбузарликлар профилактикаси ва жиноятчиликнинг олдини олиш мақсадида Наманган шаҳридаги «Орзу» хамда Паркент туманидаги «Марказий» маҳалласидаги «Ҳамкорлик тизими» тажрибаси йўлга қўйилган.
Изоҳ (0)