Эрон расмийлари мамлакатдаги тартибсизликлар чоғида қўлга олинган фуқароларнинг кўпчилигини гаров эвазига қўйиб юборди. Бу ҳақда Эрон ички хавфсизлик кучлари расмий вакили Саид Мунтазир ал-Маҳдий маълум қилди, дея хабар беради «ТАСС».
«Исёнчилар томонидан тартибсизликларга жалб этилган кўпчилик фуқаролар гаров эвазига озод қилинди. Бунга туртки берганлар ҳибсда сақланмоқда ва суд олдида жавоб беради», — деди ал-Маҳдий.
Ал-Маҳдий мамлакатдаги ғалаёнлар оқибатида 20 киши, жумладан, куч тизими ходими ҳалок бўлганини тасдиқлади. Ҳар бир ҳолат бўйича текширув олиб борилишини билдирди.
Изоҳ (0)