«Azon.uz» ахборот-таҳлилий порталида Фарғона водийсининг Риштон туманига кираверишда, кулолчилик маҳсулотлари кенг ёйиб қўйилган жой «ширк макони» деб аталди.
«Шу ерни ширк макони дейишга етарлича асосларим бор. Дарвозадан киришдан ‘тўла-тўла’лар бошланади, яъни сиз учун сўраб беришлари учун, ‘Ҳожи она’лар тилаб беришлари учун, исириқ учун, чой учун, туз учун, қўрғошин учун, бало-баттарлар учун.
Кимдан?
– Ҳизр алайҳиссаломнинг рамзий қабридан. Шу ерга ихлос қилиб келаётганларнинг тили билан айтганда «Ҳизр бува»дан.
Нима сўраб?
— Фарзанд сўраб, омад сўраб, бойлик сўраб, уй сўраб, эр сўраб, хотин сўраб...
Хуллас сўраб... сўраб... Астағфируллоҳ! Биз қайси асрда яшаяпмиз ўзи?... Сўрагувчи Зот Битта эмасми? Бергувчи Зот Бир эмасми?
Сизларга Ким айтди ‘Ҳизр бува’нинг рамзий қабри атрофига келиб олиб, эркак-аёл аралаш ҳафталаб навбат кутиб ётиб олиб Кимлардир орқали пул бериб тилатсангиз, сўратсангиз истагингиз амалга ошишини?
Сиз ўзингиз сўрай олмайсизми? Ягона зотга шерик қўшган ҳолингизда ‘кетиб’ қолишдан қўрқмайсизми?..» — дейилади мақолада.
Изоҳ (0)