Америкаликларнинг ярмидан кўпи Дональд Трамп Қўшма Штатлар президентлигига муносиб эмас деб ҳисоблайди. Квиннипэкс университети (Коннектикут штати) томонидан ташкилланган янги социологик сўров натижалари шундан далолат бермоқда, дея маълум қилади «ТАСС».
Сўровда иштирок этганларнинг 57 фоизи Трампни олий давлат лавозими учун нолойиқ санайди. Бу университет томонидан Трампнинг январь ойида ўтказилган инаугурация маросимидан бери ўтказиб келинган шундай сўровлар орасида энг паст кўрсаткич.
Респондентларнинг 58 фоизи АҚШ президентини инсофсиз, 59 фоизи етакчилик хусусиятлари етишмайдиган, 65 фоизи эса босиқ бўлмаган одам cанайди. Сўралганларнинг 62 фоизи Оқ уй раҳбари аксарият америкаликларнинг қадриятларини қабул қилмаслигига ишончи комил.
Шу билан бирга, респондентларнинг 58 фоизи Трампга кучли, 55 фоизи эса ақлли шахс сифатида баҳо берган.
Изоҳ (0)