Британиялик тадбиркор Ричард Бренсон етти ойдан сўнг компанияси томонидан ишлаб чиқилаётган кемада коинотга парвоз қилишни режалаштирмоқда. Бу ҳақда у Нью-Йоркда, Global Synergy форумидаги чиқиши чоғида маълум қилди, деб хабар беради «ТАСС».
Бренсонга тегишли Virgin Galactic компанияси олдинроқ Unity моделидаги SpaceShipTwo сайёҳлик кемасининг туркум синовларини ўтказганди. Қурилма тез орада суборбитал коинот парвозини амалга ошириши кутилмоқда.
«Бу уч-тўрт ой ичида рўй бериши мумкин. Ундан сўнг яна уч ой ўтиб ўзим ҳам коинотга йўл олишга умид қиляпман», — деди Бренсон.
Маълумот учун, Unity модели жорий йил февралида тақдим этилган, унинг илк синов парвози эса 8 сентябрда бажарилганди.
Изоҳ (0)