Октябрь ойининг бошидан бери Россия ҳаво-космик кучлари Сурияда 31 нафар етакчи террорчиларни йўқ қилди. Бу ҳақда 13 октябрь куни ўтказилган брифинг чоғида Россия қуролли кучлари бош штаби бош оператив бошқармаси бошлиғи генерал-полковник Сергей Рудской баёнот берди, деб хабар қилади «ТАСС».
«Жиноий тўдалар етакчиларини йўқ қилишга алоҳида эътибор берилди. Октябрь бошидан бери уларнинг 31 нафари йўқ қилинди», — деди генерал.
Унинг сўзларига қараганда, 3 октябрнинг ўзида «Жабҳат ан-Нусра» етакчиси Абу Муҳаммад ал-Жулоний оғир яраланди, ушбу ташкилот хавфсизлик хизмати бошлиғи Аҳмад ал-Ғизоий, дала командирлари Қусам Махсум, Аҳмад Холид, Али аз-Зававий ва бошқалар йўқ қилинди.
«Сурия қўшинлари ва Россия ҲКК авиацияси томонидан жиноий тўдалар деескалация зонасидан чиқиб кетмаслиги учун барча чоралар кўрилмоқда», — қўшимча қилди Рудской.
Унинг айтишича, Россия қўшинлари Дайр аз-Завр атрофида 383 ҳарбий парвоз амалга ошириб, ИШИДнинг 993 нишонини йўқ қилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)