Грузия парламенти президент ветосидан ўтиб, янги конституцияни маъқуллади
13 октябрь куни Грузия парламенти навбатдан ташқари йиғилиш чоғида президент томонидан янги конституция лойиҳасига ўрнатилган ветони (тақиқни) енгиб ўтди. Бу ҳақда «Интерфакс» хабар бермоқда.
Овоз беришда мухолиф фракциялар вакиллари иштирок этмади, улар залда «Оёқости қилинган конституция» деб ёзилган плакат кўтариб чиқди.
Президент Георгий Маргвелашвили парламентга ўз тузатишларини йўллади, негаки янги конституцияни жамоатчилик ва мухолифат томонидан қўллаб-қувватланмаган деб ҳисоблаган эди. Маргвелашвили, агар парламентдаги кўпчилик унинг фикрига қўшилса, мамлакатда «муроса ҳужжати» бўлишини таъкидлади.
Янги конституция Грузиянинг парламент республикасига айлантиради ва президент ваколатини сезиларли даражада қисқартиради. Конституция бир йилдан сўнг, президент сайловидан сўнг кучга киради.
