Дубайдан учиб кетувчи йўловчилар эндиликда рейсга рўйхатдан ўтгач, текширувнинг бир неча босқичларини амалга ошириши шарт эмас. Бунинг ўрнига улар юзни аниқловчи камералар ўрнатилган виртуал аквариум туннелидан ўтиши даркор, деб хабар берди TJournal.
Туннелга ўрнатилган 80 та камера аквариум орқали ўтаётган йўловчиларнинг юзини ва кўзнинг камалаксимон соҳасини сканер қила олади. Таъкидланишича, экранлар нафақат денгиз жонзотлари ва океанларни, балки турли ландшафтлар ёки рекламаларни намойиш этиши мумкин. Туннель охирида юз сканери натижаларидан келиб чиқиб, йўловчига «оқ йўл» тиловчи яшил белги ёки хавфсизлик хизматларини огоҳлантирувчи қизил белги кўрсатилади.
Амалдорлардан бирининг қайд этишича, аквариум нафақат юзни аниқловчи камераларни беркитади, балки йўловчиларни атрофга кўпроқ қарашга жалб этади ва бу орқали тизим уларнинг юзини максимал ракурсларда суратга олиши мумкин бўлади.
قريبا في #دبي.. ممر ذكي لإنهاء إجراءات السفر في المطارات في 10 ثوان فقط #أسبوع_جيتكس_للتقنية #البيان @GDRFADUBAI @GITEXTechWeek pic.twitter.com/c9cGB1OA76
— صحيفة البيان (@AlBayanNews) October 9, 2017
Лойиҳа 18 ой давомида Emirates авиакомпанияси билан ҳамкорликда яратилди. Биринчи виртуал майдончалар 2018 йилнинг ёз фасли охирига қадар ўрнатилиши режалаштирилган, бутун аэропорт эса 2020 йилгача жиҳозланиши лозим. Ушбу тизимнинг жорий этилишига Дубай аэропортидан ўтувчи йўловчилар сонининг йилдан йилда ортиб бориши сабаб бўлган.
Изоҳ (0)