Кўксарой қароргоҳида Қирғизистон президенти Алмазбек Атамбоевни расмий кутиб олиш маросими бўлди. Бу ҳақда ЎзА хабар бермоқда.
Олий мартабали меҳмон шарафига фахрий қоровул саф тортди. Шавкат Мирзиёев ва Алмазбек Атамбоев шоҳсупага кўтарилди. Ўзбекистон ва Қирғизистоннинг давлат мадҳиялари янгради. Президентлар фахрий қоровул сафи олдидан ўтди.
«Шундан сўнг давлат раҳбарларининг тор доирадаги учрашуви бошланди», — дейилади ЎзА ахборотида.
Мулоқотда икки мамлакат ўртасидаги ўзаро манфаатли ҳамкорликни янада ривожлантириш истиқболлари муҳокама қилиниши, томонларни қизиқтирган минтақавий ва халқаро масалалар юзасидан фикр алмашилиши режалаштирилган.
Изоҳ (0)