АҚШда актёр Фрэнк Винсент 79 ёшида оламдан ўтди

АҚШда актёр Фрэнк Винсент 79 ёшида оламдан ўтди. Бу ҳақда TMZ хабар бермоқда.

Порталга кўра, Винсент юрак операцияси чоғида вафот этди. Ўтган ҳафтада у юрак хуружини бошидан ўтказганди. 

Актёр асосан «Сопрано жамоаси» сериалидаги мафиозилар етакчиси Фил Леотардо роли билан танилганди.

Шунингдек, Фрэнк Винсент машҳур режиссёр Мартин Скорсезенинг бир неча фильмида суратга тушганди.