Moody’s: Араб давлатлари билан икки ойлик ихтилоф Қатарга 40 млрд долларга тушди

Охирги икки ой ичида араб давлатлари томонидан исканжага олинган Қатар ўз иқтисодиётини қўллаб-қувватлаш учун 40 миллиард доллар сарфлади. Бу ҳақда Moody’s халқаро рейтинг агентлиги маълум қилди, деб хабар беради «ТАСС».

Икки ойдан бери Саудия Арабистони, Баҳрайн, Миср ва БАА Қатарни дипломатик изоляция ҳолатида қолдирмоқда. Уларга яна кўплаб араб давлатлари қўшилди. Улар Қатардан бир қанча талабларни бажаришни сўрамоқда. Фақат шу шарт билан дипломатик изоляцияга барҳам берилиши мумкин.

«Доха ихтилофнинг дастлабки икки ойи ичида 38,5 миллиард доллар маблағни ўз иқтисодиётини қўллаб-қувватлашга йўналтирди», — дейилади хабарномада.

Бу сумма мамлакат ЯИМнинг 23 фоизини ташкил этади.