Ислом Каримов ҳаёти ва фаолиятига бағишланган фотокўргазма анонси берилди

15 август куни Тошкент Фотосуратлар уйида Ўзбекистоннинг Биринчи Президенти ҳаёти ва фаолиятига бағишланган фотокўргазма ҳамда унинг хотирасини абадийлаштириш мақсадида Ислом Каримов портретини яратиш бўйича ижодий танлов натижаларига бағишланган бадиий кўргазма ўтказилади. Бу ҳақда ЎзА хабар бермоқда.

Ўзбекистоннинг Биринчи Президенти Ислом Каримов вафот этганидан сўнг унинг хотирасини абадийлаштириш мақсадида турли тадбирлар ўтказиб келинмоқда. Жумладан, Ислом Каримовнинг ҳайкали яратилмоқда. Шунингдек, унинг ҳаёти ва фаолиятига бағишланган мақолалар ва ижодий ишлар танлови эълон қилинди. Бундан ташқари, Тошкент шаҳридаги кўчалардан бирига, Тошкент халқаро аэропортига, Тошкент давлат техника университетига Ислом Каримов номи берилди.